8 fëmijë me Covid-19 të shtruar, 12 shtretër në dispozicion

Prej muajit korrik numri i shtrimeve në spital të fëmijëve të prekur nga Covid-19 është rritur. Aktualisht janë 8 fëmijë që ndodhen nën kujdesin e mjekëve në repartin Covid në pediatri. Ky repart në pediatri ka kapacitet prej 12-15 shtretër. Hospitalizimi i fëmijëve që kryesisht janë të moshave të vogla deri në 9 vjeç, vjen pasi kanë probleme me rrugët e frymëmarrjes. Deri më tani asnjë prej fëmijëve nuk ka pasur nevojë për terapi intensive. Kryesisht fëmijët e prekur nga Covid-19 kanë sëmundjeve të lindura që kanë lidhje me zemrën, veshkën apo mushkërinë.