8 qendra shëndetësore verore në Vlorë, mjekët me protokoll për Covid-19

Edhe pse numri i pushuesve në bregdetin e Vlorës janë në numër të ulët, qendrat shëndetësore janë në gatishmëri. Mjekët kanë marrë udhëzime të sakta, për protokollin që duhet të ndiqet për parandalimin e përhapjes së Covid-19. Mjeku Eljo Llambraj, thotë se janë marrë masat për tu ardhur në ndihmë të gjithë pushuesve që do të paraqiten.

Në krahasim me vitin e kaluar vizitat mjeksore në qendrat shëndetësore verore janë shumë herë më të pakta, teksa mjeku Llambraj konfirmon se udhëzimet e Ministrisë së Shëndetësisë janë që askush nuk mund të futet në ambientet e tyre pa maska dhe pa doreza

8 qendra shëndetësore verore kanë filluar të funksionojnë që prej datës 15 qershor, 4 prej të cilave në Bashkinë Vlorë siç janë qendra shëndetësore Zvërnec, Plazh i vjetër, Rradhimë, Orikum si dhe 4 qendra shëndetëesore në bashkinë Himarë sic janë qendra shëndetësore Himarë, Dhërmi, Drimadhes dhe Qeparo.