800 mijë turistë në Berat, kryetari Demo: Nuk ka marketing më të mirë sesa fjalët që shkojnë gojë më gojë
Berati është një prej qyteteve më unike në botë për vlerat historike, arkitektonike dhe kulturore që përcjell, e për të cilat prej 15 vitesh është pjesë e Trashëgimisë Botërore e mbrojtur nga UNESCO. Vitet e fundit Berati është kthyer në një destinacion të rëndësishëm edhe për turistët vendas me një ofertë të plotë vjetore për çdo grup-moshë. Në këtë fundvit, qyteti është përfshirë nga atmosfera festive dhe aktivitetet e organizuara gjatë javës për të gëzuar së bashku, duke forcuar ndjenjën e komunitetit dhe duke çliruar energji pozitive.
Në episodin e rradhës në ”Vendi im” nga Edlira Prendi, i ftuar është kryetari i bashkisë së Beratit, Ervin Demo i cili ndodhet në mandatin e dytë, dhe për ”Tirana News” ka treguar më shumë për punën. Ai thotë se 2023 ka qenë një vit i mbarë për këtë qytet. “Festat e fundvitit janë kurorëzimi i asaj çfarë ka ndodhur në qytet. Kemi arritur në shifrat e 800 mijë turistëve, që është një shifët e jashtëzakonshme”.
I pyetur nga Prendi për ofertën që ka ky qytet për turistin vendas, Demo tha “Në Berat ka ndryshuar paketa turistike, pasi kanë qenë të fokusuar tek turizmi i trashëgimisë kulturore. Turizmi është i lidhur me natyrën, përshembull është agroturizmi, ku ti provon produktet vendase që Berati i ka me shumisë, guzhina e pëlqyer. Berati është kthyer në shtëpinë e verave. Ne tashmë kemi përqëndrimin më të madh të kantinave të verave, më me emër në Shqipëri. Tashmë këto kantina ofrojnë edhe eksperiencë që është shumë e rëndësishme. Kemi kanionet e Tomorrit, kemi hapur vend për ata që duan të përdorin biçikletat sportive“. Gjithashtu ai thekson se gjatë sezonit veror në Berat zhvillohet festivali i verës, maratonën e Beratit.
Një detaj për zgjerimin pritës, është se në qytet janë drejt përfundimit edhe 30 hotele, që nga zona e vjetër e qytetit. Thembra e Akilit në një vend që pret turistë është sjellja e pritësit. Si është ky raport në Berat? “Një pjesë e mirë e njësive akomoduese janë shumë të mbledhur, ku vetë njerëzit që janë pronarë të tyre, ata janë vetë të interesuar dhe japin atë ngrohtësinë familjare etj”. Për punët si kryebashiak, thotë se para 4 vitesh Berati ka pasur furnizim me ujë të pijshëm 8 orë në ditë dhe që nga viti 2020 Berati ka furnizim 24 orë me ujë të pijshëm! Demo thotë se për punët që bëhen në Berat, ai nuk del që ti tregojë me gisht në rrjete sociale.
“Unë dua shumë që qyteti të flasë dhe nëqoftëse qyteti flet, besoj se është një imazh shumë i mirë dhe për mua si kryetar bashkie”. Nuk ka marketing më të mirë thotë ai, sesa fjalët që shkojnë gojë më gojë.
