82-vjeçari gjendet i vdekur në oborrin e shtëpisë

Një 82-vjeçar është gjetur i pajetë në oborrin e shtëpisë së tij në fshatin Selenicë të Vlorës.

I moshuari Dh.M jetonte vetëm dhe policia u njoftua nga fqinjët e tij. Trupi do të transportohet drejt morgut për të kryer ekspertizën mjeko-ligjore, për të përcaktuar shkakun e vdekjes. Paraprakisht dyshohet për shkaqe aksidentale.

Grupi hetimor po punon për zbardhjen e plotë të kësaj ngjarje.