A duhet të dorëhiqet Berisha? Bozdo: Ja u largua dhe pati reflektim, por ikja nuk i shërben interesit publik

Anëtari i Këshillit Kombëtar të Partisë Demokratike, Eno Bozdo thotë se largimi i Sali Berishës pas humbjes që pëosi PD-ja në zgjedhjet lokale, nuk i shërben interesit publik.

Për të problemi i madh është kontrolli absolut i qeverisë mbi sistemin e zgjedhjeve, të cilat siç tha Rama do t’i vidhte po njësoj edhe sikur Berisha të largohej nga PD.

“Supozojmë se zgjidhja do ishte largimi i Berishës dhe një drejtim i ri për PD. Pas kësaj Rama do zotohet se do bëjë zgjedhje të lira e të ndershme? Rama do sillet në të njëjtën mënyrë, në mos më rëndë me sistemin e zgjedhjeve. Sido që të ndodhë gjëja kryesore për interesin publik është a do pranojë shoqëria shqiptare një lloj kontrolli të tillë nga PS që mbijeton, madje merr më shumë vota se më parë duke i vjedhur. Nuk është e rastësi që euro zbriti në nivele historike gjatë fushatës”, tha Bozdo për ”Euronews Albania”.