A e ka bërë testin për Covid-19? Flet Ministrja e Shëndetësisë

Shqipëria është në shtetrrethim dhe qeveria vijon të shtojë masat dhe kontrollet. Bluzat e bardha janë në vijën e parë të shpëtimit dhe kurimit ndaj të prekurve nga Covid-19. Kreu i Emergjencave Kombëtare, Skënder Brataj është një prej zyrtarëve të lartë të vijës së parë të përballjes me Covid-19, që rezultoi i infektuar nga virusi.

Kreu i Emergjencave Kombëtare është pjesë e Task-Forcës dhe për këtë arsye kishte dyshime se mund të ishin infektuar dhe persona të tjerë që menaxhonin masat kundër Covid-19.

Kurse ministrja e Shëndetësisë, Ogerta Manastirliu duke folur për Euronews Albania, tha se nuk e ka kryer testin për shkak se deri tani nuk ka pasur asnjë simptomë. “Unë personalisht ndjek udhëzimet e mjekëve, nëse do të kishte shenja dhe simptoma patjetër që do ta kisha bërë por nuk kam asnjë simptomë. Mua nuk më lejohet të sëmurëm”.