Abdi Baleta: Minishengeni kishte si qëllim kryesor të detyronte Kosovën të hiqte taksën ndaj Serbisë

Për politologun Abdi Baleta Minishengeni është një nismë që i duhej dikujt për një farë suksesi diplomatik.

Nga studioja e lajmeve në RTV Ora, Baleta tha se Minishengeni në vetvete kishte si qëllim kryesor që Kosova të hiqte taksën ndaj Serbisë.

Abdi Baleta: Nisma e Berlinit për mua ka qenë një tentativë për krijimin e një Jugosllavie të tretë. Jugosllavia u prish, këta duan ta krijojnë me zor. Minishengeni pastaj është një formë shumë e dobët e nismës së Berlinit dhe i duhej dikujt një farë suksesi diplomatik. Por minishengeni, si qëllim kryesor kishte që të detyronte Kosovën të hiqte taksën.

Duke iu referuar akuzave për tradhti në lidhje për mungesën e Kosovës në takimet e minishengenit, Baleta është shprehur se Rama ose nuk e kupton, ose bën sikur nuk e kupton këtë punë.

Abdi Baleta: Rama nuk po e kupton këtë punë ose bën sikur nuk  kupton, ka arsyet e tij. Dhe nuk i takon një kryeministri të Shqipërisë të shprehet me këtë gjuhë, për një politikë që Kosova e ka menduar më mirë, sepse nuk ishte vetëm Haradinaj që nuk e miratoi këtë, por edhe Thaçi që është mik i Ramës nuk i shkoi në takimin e Ohrit. Rama e ka bërë këtë kritikë ku ishin 3 gjykatës sllav, dhe ky mori rolin e prokurorit, të kësaj gjykate për përndjekjen e Kosovës, se është e kotë të diskutojmë për gjëra të tilla, se kush është tradhtar. Tradhti nuk është me brirë që të dalim ta shohim në bulevard.