Abuzimet me tenderat, ish-kryebashkiaku i Bulqizës: Akuzat janë të pabazuara në prova

Ish-kreu i Bashkisë së Bulqizës, Lefter Alla ka ankimuar në Apel vendimin për masën e sigurisë ”arrest me burg”. Ai akuzohet për një tender me vlerë mbi 2.8 milionë euro me akuzën e shkeljes së barazisë së pjesëmarrësve në tendera dhe ankande publike dhe “shpërdorim detyre”.

Nga ana e tij, Alla pretendon se akuzat e ngritura nga SPAK janë të pabazuara dhe në shkelje të ligjit. Gjyqtarja e Apelit të Posaçëm, Aida Dollani do të vendosë nëse do e pranojë kërkesën e të pandehurit.

Seanca është caktuar që të mbahet të premten. Bashkë me Allën për tenderat korruptiv përfunduan në pranga edhe 11 persona të tjerë, përfshirë zyrtarë të tjerë të bashkisë.