Abuzoi dhe mbyti të miturin, tenton të presë damarët në burg

I njohur ndryshe si “monstra” i Peshkopisë, Shpëtim Ziza ka tentuar që të vrasë sërish veten në burgun e Fushë-Krujës.

I dënuar me burg të përjetshëm nga gjykata për përdhunimin dhe vrasjen e një të mituri, Ziza ka prerë damarët e tij me filxhan kafeje. Sapo 31-vjeçari ka kryer aktin, është pikasur nga mjekët e spitalit të Burgut dhe ka marrë menjëherë ndihmën e parë.

Kjo nuk është hera e parë që 31-vjeçari ka tentuar që t’i japë fund jetës së tij. Në muajin maj të këtij viti, Ziza i vuri zjarrin qelisë, ndërsa disa vite më parë tentoi që të vetëvarej në qeli.