Abuzon me kunatën minorene, 11 vjeçarja: Ndodhi kur motra shkoi në maternitet

Aktualitet E Diel, 13 Shtator 2020 19:39

Pas rasteve të frikshme të abuzimeve seksuale që u bënë publike dje dhe sot, një tjetër ngjarje është denoncuar këtë mbrëmje në ekranet tona. Një 11-vjeçare me banim në Tiranë, denoncoi burrin e të motrës si përdhunues. E mitura u bind se duhej ta tregonte abuzimin seksual menjëherë sapo kunati u largua si emigrant në Greqi.

Shtetasi me inicialet K.Z është shpallur në kërkim pas marrjes së dëshmisë dhe administrimit të provave. Fëmija banonte shpesh tek e motra tregojnë burimet pasi e ëma ishte e divorcuar.

Gruaja tregon se e kishte vënë re bashkëshortin t’i kërkonte llogari 11 vjeçares për punët e shtëpisë, dhe që gjithashtu ishte vënë në dijeni nga e ëma për ngjarjen. ”Mami më ka kapur, burri i motrës ditën kur motra lindi. Nuk dua të jetoj më atje”,- është shprehur fëmija, të cilës i është vënë menjëherë në dispozicion një psikologe edhe gjatë marrjes së dëshmisë.