Agimi i Artë akuza Turqisë, po financon “Shqipërinë e Madhe”

Partia nacionaliste greke “Agimi i Artë” ka akuzuar Turqinë se po financon zgjerimin e kufijve të shtetit shqiptar.

Në faqen zyrtare të Agimit të Artë, thuhet se Turqia po ndihmon shqiptarët myslimanë për të krijuar “ShqipërinëeMadhe"- një projekt që NATO e ka ndihmuar shumë në fund të viteve 1990, kur ata bombarduan Serbinë në mbështetje të forcave terroriste shqiptare të cilët ishin pushtues të Kosovës.

Deklarata e Partisë Agimi i Artë: – “Turqia kohët e fundit ka marrë përsipër edukimin e oficerëve shqiptarë në shkollat e saj dhe në të njëjtën kohë i ofron Shqipërisë automjete të lehta ushtarake të ushtrisë si dhe automjete të tjera të blinduara. Krijimi i i shteti Islamik-turk në Ballkan, pjesë e së cilës është “Shqipëria e Madhe”, tashmë është një fakt. Shqipëria është në thelb një bazë politike dhe ushtarake e Turqisë. Turqia do të vazhdojë t’i sigurojë Shqipërisë armë, të cilat në një të ardhme jo shumë të largët do të përdoren për veprime kundër territorin grek.”

Partia Agimi i Artë akuzoi Turqinë për përdorimin e shërbimeve të saj të fshehta për të financuar forcat terroriste në Shqipëri. Deklarata e kësaj partia vijon: –  “Ne duhet ta marrim shumë seriozisht depërtimin ushtarak të Turqisë në Shqipëri dhe armatosjen e forcave shqiptare. Sipas statistikave, në 2050 popullsia e Shqipërisë pritet të shkojë deri në 10 milionë banorë. Rritja e popullsisë shqiptare, shoqëruar me rritjen e popullsisë turke, dhe rënies së popullsisë greke është një bombë me sahat për ne. Nëse ju nuk e neutralizoni bombën, rrezikohemi për të folur me dialektin e myslimanëve shqiptarë, turq, dhe vende të tjera aziatike.” Në fund, akuzohet edhe SHBA e Europa, “Ushtria amerikane ka një bazë gjigante ushtarake në jug të Kosovës, shumë afër aty ku terroristët shqiptarë kanë qenë kohët e fundit, duke bërë inkursione në IRJM. Të gjitha vendet e inkuadruarve perëndimorë kanë qenë mbështetëse të Shqipërisë duke përdorur strategjitë e saj të terrorit për të destabilizuar dhe të pushtuar sllavët e Ballkanit, të cilët janë konsideruar, së bashku me grekët, si popullsi problematike.”

Përgatiti: Mate Came/Koha Jonë