Agron Shehaj zbulon arsyen pse po kandidon për deputet në qarkun e Tiranës

Agron Shehaj është kandidat për deputet, i 6-ti në listën e PD-së për Tiranën. Në 10 vitet e fundit, Shehaj ka punësuar rreth 40 mijë të rinj në kompanitë e tij, duke u kthyer në punëdhënësin më të madh në Shqipëri.

“PD i ka bërë zgjedhjet përmes një procesi të hapur. Kam qenë i propozuar nga shumë anëtarë për në Tiranë dhe kjo ishte arsyeja pse u zgjodh të vendos të kandidoja në Tiranë. Mirëpo jam krenar që për herë të parë deputet u zgjodha në Vlorë. Mendoj se duhet të jem në kontakt me njerëzit, të flas me ta, të më njohin”, tha Shehaj.

Gjithashtu, Shehaj ka folur edhe për skandalin e marrjes së të dhënave personale të qytetarëve nga e-Albania.

“S’ka asnjë gjasë ta marri mandatin e tretë, shoh fushatën elektorale në terren. Përballë stendës time u vendos një stendë e PS, që zgjati gjysmë orë se nuk shkonte njeri. Kur njerëzit e kanë ndarë mendjen që s’të duan më, s’ka rëndësi pushteti që ke. Kush ka pushtetin dhe e di që është në ikje bën çdo gjë që të qëndrojë, mendoi se do e zgjidhte në këtë mënyrë. Pasojat negative janë më të mëdha se përfitimet nga ky skandal”, tha Shehaj.