Aida Hajnaj emërohet nga KLP si drejtuesja e FBI-së shqiptare

KLP emëron unanimisht drejtuese të Byrosë Kombëtare të Hetimit, Aida Hajnaj. Ajo arriti të kalojë të gjitha etapat e kandidimit për drejtimin e strukturës hetimore të SPAK, strukture e ngjashme më FBI-në amerikane.

Nga 40 kandidatë për pozicionin e kreut të BKH në fazën fundore mbërritën vetëm 4 vetë, Hajnaj dhe kolegët e saj Ervin Hodaj, Artur Beu dhe Idajet Faskaj. Pjesa tjetër u skualifikuan më fazat e konkurrimit, nga kriteret ligjore, testet e inteligjencës, ato fizike, si edhe përballimin me makinën e të vërtetës.

Kandidatët finalistë Hodaj, Beu e Faskaj u skualifikuan në filtrin fundor, që ishte një verifikim i hollësishëm i tyre në trajtën e një vetingu. Pas miratimit me shumicë të thjeshtë të anëtarëve të Këshillit të Lartë të Prokurorisë, Aida Hajnaj emërohet në krye të BKH për një mandat 5-vjeçar.