Aksi Lezhë-Shkodër, përplasen tre makina, humb jetën këmbësori
Aksident tragjik me një të vdekur është shënuar në orët e para të mëngjesit .
Përplasja e tre makinave në afërsi të Urës së Milotit në superstradën Lezhë- Shkodër ka shkaktuar vdekjen e një kalimtari.
Viktima është ende i paidentifikuar, ndërsa drejtuesit e tre mjeteve u shoqëruan në polici.
Sipas veprimeve të para të policisë së Lezhës, ngjarja ndodhi në vendin e quajtur Gajush, në afërsi të urës Mat . Në aksident u përfshinë një Passat, mjeti tip BMV dhe një autoveturë tip Seat.
Mjeti tip Passat që drejtohej nga Faik Ara nga Shkodra përplasi këmbësorin, kurse 2 automjetet e tjera që po lëviznin në të njëjtin drejtim nga Milot Lezhë, janë aksidentuar me njëra- tjetrën .