Aksident i rëndë me 2 të vdekur e 2 të plagosur në rrugën e Komanit

Nga të dhënat e para që mësoi Ora News fuoristrada në të cilën udhëtonin të aksidentuarit ka dalë nga rruga duke rënë në greminë pranë fshatit Karm.

Policia dha  vetëm inicialet e viktimave dhe të plagosurve.

“Deri në këtë moment na rezulton se mjeti tip fuoristradë me targa TR 8145 P ka dalë jashtë rruge dhe si pasojë kanë gjetur vdekjen shtetasit E.D, vjec 23, A.K, vjec 32 si dhe janë plagosur shtetasit A.B dhe E.K” thuhet në njoftimin e policisë.

Rreth orës 11:00 u mësua se njëri prej të plagosurve Artan Bajrami pritet të transportohet me helikopter drejt Spitalit të Traumës në Tiranë për një mjekim më të specializuar pasi gjëndja shëndetësore është e rëndë.

Ne vendngjarje është grupi hetimor të cilet do të kryejnë hetimet përkatese mbi aksidentin. Paraprakisht dyshohet se drejtuesi i mjetit mund të ketë humbur kontrollin për shkak edhe të ngricës.