Aksident i rëndë me katër të plagosur në aksin Elbasan-Librazhd

Një aksident ka ndodhur sot në aksin Elbasan-Librazhd, ku nga përplasja e dy mjeteve janë lënduar 4 pasagjerë.

Njoftimi i policisë:

Elbasan/Informacion paraprak

Rreth orës 17:40, në aksin rrugor “Elbasan-Librazhd”, automjeti me drejtues shtetasin K. R., 36 vjeç është përplasur me automjetin me drejtues shtetasin O. L., 33 vjeç.

Si pasojë janë dëmtuar 4 pasagjerë që udhëtonin në këto dy automjete, të cilët po marrin asistencë mjekësore, në spital dhe janë jashtë rrezikut për jetën.

Grupi hetimor vijon punën për përcaktimin e shkaqeve të aksidentit.