Aksident i shumëfishtë, plagosen disa persona

Një aksident me pasojë plagosjen e disa personave është shënuar këtë të premte në aksin Koplik-Hanit Hotit. Mësohet se makinat janë përplasur kokë me kokë. Shkaku prej shpejtësisë dhe parakalimit të gabuar te një prej makinave e cila ka sjellë përplasjet e të katër makinave me njerëz.

Nga përplasja kanë mbetur të lënduar rëndë disa persona, të cilët janë dërguar për mjekim në spital.

Policia dhe grupi hetimor ndodhen në vendngjarje për të zbardhur rrethanat e aksidentit. Mësohet se një automjet ishte me persona nga Tirana.

Akoma policia nuk ka dhënë njoftim zyrtar për emrat e të plagosurve dhe targat e automjeteve.