Aksident, makina përplas policin në vija të bardha

Një efektiv policie, i cili ka qenë duke kaluar rrugën në vija të bardha, është përplasur nga një automjet. Ngjarja ka ndodhur në Durrës. Efektivi i i policisë ndodhet në gjendje të mirë shëndetësore dhe fatmirësisht ka pësuar vetëm lëndime të lehta.

“Rreth orës 18:35, në lagjen nr. 8, përpara ambienteve të Drejtorisë Vendore të Policisë Durrës, automjeti me drejtues shtetasin A. F., ka përplasur shtetasin M. A. punonjës policie në Komisariatin e Policisë Durrës, i cili ishte duke kaluar në vijat e bardha për këmbësorët.

Punonjësi i Policisë, shtetasi M. A. ndodhet në spital, në kujdesin e mjekëve, ndërkaq, drejtuesi i automjetit, shtetasi A. F. është shoqëruar në Komisariatin e Policisë Durrës, për veprime të mëtejshme”, njoftojnë uniformat blu.