Aksident në autostradën Tiranë-Durrës, furgoni përplas për vdekje drejtuesin e biçikletës

Një aksident është regjistruar mbrëmjen e sotme në autostradën Tiranë-Durrës, ku një furgon ka përplasur një biçikletë.

Nga përplasja mbeti i vdekur drejtuesi i biçikletës, identiteti i të cilit nuk bëhet ende i ditur.

Aksidenti ka ndodhur në rrugën e fshatit Katund i Ri.

Sipas të dhënave dyshohet se drejtuesi i biçikletes i ka prerë rrugën furgonit, ndërkohë që shkak i aksidentit është bërë errësira.

Policia vijon hetimet për zbardhjen e plotë të aksidentit.