Aksident në Durrës, 3 makina përplasen me njëra-tjetrën! Patrulla e policisë përfundon në spital

Një aksident rrugor i trefishtë është regjistruar më orët e para të mëngjesit të kësaj të shtune ku janë përfshirë tre automjete, mes tyre dhe patrulla e policisë.

Mësohet se tre makinat kanë qenë shumë pranë njëra – tjetrës tek rrotullimi i Urës së Dajlanit. E treta i ka rënë mjetit të dytë dhe kjo i ka rënë patrullës së policisë. Për rrjedhojë janë dëmtuar 2 policë të auto-patrullës. Ata janë dërguar në spitalin e Durrësit dhe janë jashtë rrezikut për jetën.