Aksident në Fier, plagosen dy fëmijë
Aktualitet E Shtunë, 23 Dhjetor 2023 20:42
Një aksident automobilistik ka ndodhur në aksin e autostradës Levan – Tepelenë në afërsi të vendit të quajtur “24 orarëshi” në Poçem.
Mësohet se dy automjete janë përplasur me njëra-tjetrën dhe për pasojë janë plagosur dy fëmijë, të cilët po transportohen në urgjencën e spitalit të Fierit për t’iu dhënë ndihma e parë mjekësore.
Në vendngjarje kanë shkuar forca të policisë rrugore dhe ekspertët për të zbardhur rrethanat e këtij aksidenti.