Aksident në Tiranë, një grua përplaset për vdekje, 4 të plagosur
Aksidenti i rëndë shënohet pasdite në kryeqytet. Një grua mbeti viktimë e aksidentit gjatë pasdites në zonën e Shkozës.
Ajo ishte pasagjere në një motoçikletë që u përplas nga një furgon mallrash bashkë me një biçikletë dhe dy këmbësorë që ecnin në trotuar.
Në këtë aksident mbetën të lënduar edhe 4 persona të tjerë përfshi edhe shoferi i furgonit.
Ende nuk dihen rrethanat e ngjarjes, ndërsa policia po punon për të zbardhur dinamikën e këtij aksidenti.