Aksident në Vlorë, shoferi humb kontrollin e makinës, plagoset bashkë me shoqëruesen

Një aksident ka ndodhur ditën e sotme në Vlorë.

Një automjet tip “Mitsubishi” Fuoristradë duke kaluar në kundravajtje te rruga e Kalasë në Vlorë ka humbur drejtimin dhe ka dalë nga rruga.

Për pasojë ka goditur një pemë anës rrugës.

Të plagosur nga përplasja kanë mbetur drejtuesi i mjetit dhe shoqëruesja e tij.

Të dy këta persona janë momentalisht në spital jashtë rrezikut për jetën.

Ata kanë marrë dëmtime të lehta në trup dhe janë në kujdesin e mjekëve.