Aksidenti me 3 të plagosur në Bilisht, arrestohet shoferi i dehur

Policia e Devollit ka vënë në pranga drejtuesin e mjetit, i cili u aksidentua mbrëmjen e djeshme ku si pasojë 3 të rinj mbetën të plagosur në hyrje të qytetit të Bilisht.

Burime nga policia bëjnë të ditur se drejtuesi i mjetit ishte në gjendje të dehur, kjo u vërtetua edhe nga kampinët e gjakut që iu mor pas aksidentit.

Ndërkohë, një prej të plagosurve u dërgua në gjendje të rende drejt Tiranës, pasi ka marrë plagë në kokë.

Të plagosurit janë shtetasit E.D, 22 vjeç K.M, 22 vjeç A.A, 22 vjeç, të tre banues në fshatin Cangonj-Devoll.

Grupi hetimor po punon për sqarimin e rrethanave të ngjarjes.