Aksidenti tragjik në Vlorë/ Spiropali: Ndëshkim maksimal, është vrasje

Ministrja e Shtetit për Marrëdhëniet me Parlamentin, Elisa Spiropali thotë se aksidenti ku humbën jetën 4 anëtarë të familjes Gushi, është vrasje dhe për autorët ajo kërkon ndëshkim maksimal.

“Ngjarja e rëndë në aksin Fier-Vlorë është VRASJE, dhe meriton ndëshkim maksimal. Hetim dhe drejtësi deri në fund, për të gjitha rastet. Asnjë tolerim për çdo shkelje rrugore, sidomos për çdo tejkalim shpejtësie. Mbi gjithçka, ndërgjegjësim, në familje, në shkollë, kudo. Jeta s’ka çmim! Jeta është e shenjtë! Shpirtrat e tyre u prehshin në paqe”.