Aksion kundër “shoferëve të vdekjes”

Siguria rrugore mbetet një problem serioz, me gjithë përpjekjet për rritjen e parametrave.

Policia Rrugore vijon me kontrollet e përforcuara për evidentimin dhe ndëshkimin e drejtuesve të mjeteve që me shkeljet e tyre bëhen burim aksidentesh.

Edhe këtë fundjavë, rrugorët kanë ngritur disa pika kontrolli me radarë për ndëshkimin e “shoferëve të vdekjes”.

Policia ka shpërndarë një video nga aksioni i fundit.

Një prej shoferëve të ndëshkuar është kapur duke udhëtuar me shpejtësi tepër të lartë, 151 km/h.

Këtij drejtuesi mjeti i është hequr patenta nga shërbimet e policisë.