Aksioni i ri i PD-së, Andi Bushati: Ç’farë po synon Lulzim Basha?

Aksioni i ri i PD-së është ngritja e tre Komisioneve Hetimore në Kuvend. Vjedhja e zgjedhjeve, inceneratorët dhe çështja Beccheti. Analisti Andi Bushati, thekson se është një ”radikalizim” fals, duke shtuar se ajo ka patuar lëvizje edhe më të bujshme, por në fund është tërhequr.

Pse pikërisht PD-ja po kërkon ngritjen e tre komisioneve hetimore parlamentare për çështjet e mësipërme?

”Nëse ka një problem PD dhe opozita, që të flasë për incineratorët, ka tre vjet që e bën, me gjithë këto kauza pati rezultatin e 25 prillit. Problemi real është se ka një problem me Sali Berishën dhe bazën e partisë, e cila po shkon drejt Berishës. Bashës po i ikin dhe niveli drejtues dhe baza e dytë dhe për ta fshehur këtë katastrofë që po i ndodh, mundohet të bëjë lëvizje si këto, që mua më duket në kufijtë e qesharakes”,-tha në ”Euronews Albania”.