Akuzohet për korrupsion, KLD voton për arrestimin e gjyqtarit të Sarandës, Rasim Doda

Këshilli i Lartë i Drejtësisë firmos arrestimin e gjyqtarit të Sarandës Rasim Doda.Në një mbledhje emergjente, KLD ka votuar pro kërkesës së Prokurorisë së Krimeve të Rënda, duke i hapur rrugë arrestimit të gjyqtarit, i cili akuzohet për korrupsion.

Në vitin 2009, gjyqtari u procedua penalisht nga Prokurorja e Përgjithshme, Ina Rama për shkelje gjatë kryerjes së detyrës. Ndërsa në vitin 2010, Doda është akuzuar për veprën penale të fyerjes.

Tashmë pritet Arrestimi i Dodës, i cili më parë ka mbajtur dhe detyrën e kryetarit të Gjykatës së Sarandës.