Akuzohet se ndërhyri në sistemin TIMS, Ervin Muca: Lëreni drejtësinë të kryejë punën e saj!

Drejtori i IT në Policinë e Shtetit, Ervin Muça është paraqitur ditën e sotme në gjykatë.

Ervin Muça ka mohuar akuzat në lidhje me ndërhyrjen në sistemin TIMS.

Kujtojmë se Muça është në masën ‘arrest shtëpie’ dhe është pezulluar nga detyra.

“Kam bërë detyrën, s’kam kryer asnjë shkelje, skam kopjuar asnjë te dhënë, deklarohem i pafajshëm, lëreni drejtësinë të bëjë pune e saj, deklarohem i pafajshëm, nuk ka lidhje kodi i punonjësit kam vepruar sipas procedurës, nuk me ka kërkuar askush asgjë”, iu përgjigj ai pyetjeve të gazetarëve ndërkohë që hynte në ambientet e gjykatës.