Aldi Fusha: Parlamenti mblidhet në sesion të jashtëzakonshëm… për qarkullim kuadri!

Kuvendi i Shqipërisë mblidhet sot në një sesion jo të zakonshëm të thirrur me urgjencë nga kryeministri.

Ky sesion i jashtëzakonshëm në ditë pushimi zyrtar, megjithëse Kuvendi nis zyrtarisht më 18 janar, NUK mblidhet për shkak të pandemisë.

Kuvendi sot NUK mblidhet për një emergjencë kombëtare siç është përballimi i COVID-19 dhe sigurimi i vaksinave për personelin shëndetësor.

Kuvendi sot NUK mblidhet për të miratuar ndonjë paketë lehtësimi ekonomik për bizneset, si pasojë e mbylljes së tyre apo uljes së pagave.

Kuvendi sot NUK mblidhet për t’i gjetur strehë mbi 1400 familjeve që zyrtarisht flenë ende në çadra prej 400 ditësh, pasi Rindërtimi 3D nuk funksionon.

Miqtë e mi,

Kuvendi i Shqipërisë mblidhet sot në sesion të jashtëzakonshëm për të qarkulluar kuadrot e Rilindjes nga një zyrë, në zyrën tjetër.

Por, kjo politikë kuadri as mund ta freskojë e as mund ta ushqejë gjatë propagandën e një qeverie me imazh të rrënuar.

Më prill populli do ta marrë fatin në duar për të mos e lënë qeverisjen në varësi të humorit të një njeriu, por për t’i kthyer vendit një qeverisje të përgjegjshme”, shprehet permes rrjeteve sociale, koordinatori i LSI në Farkë, Aldi Fusha.