Aleanca për Teatrin i përgjigjet KE-së pas mbrojtjes së Sorecës

Aleanca për Mbrojtjen e Teatrit i është përgjigjur qëndrimit të Këshilit të Europës dhe Bashkimit Evropian, të cilët i dolën në mbrojtje ambasadorit të BE-së në Tiranë, Luigi Soreca pas padisë së tyre në SPAK. Aleanca thotë se reagimi i KE-së duhet të ishte më i pjekur dhe të prisnin rezultatet e hetimeve.

Postimi i plotë

Në respekt të qytetarëve shqiptarë që me shume dëshirë presin të aderojnë në Bashkimin Europian, reagimi KE-së duhet të ishte i pjekur dhe pasi të ishin hetuar problemet që ngremë ne ankimuesit. Ne e dimë që takimi i mbajtur fshehtas i Sorecës në Gjykatën Kushtetuese është fundi i karierës së tij në Shqipëri, por deri atëherë, kemi disa pyetje për KE:

Pse shikohet si sulm kur takimi u pranua nga vetë Soreca?
Pse shikohet si sulm kur takimi nuk u bë publik?
Pse shikohet si sulm kur takimi nuk ishte i programuar?
Pse shikohet si sulm kur nuk u bë publike as çfarë është diskutuar?
Pse shikohet si sulm kur takimk bëhet pikërisht në ditën e seancës së Teatrit?
Pse shikohet si sulm kur Soreca largohet nga dera e pasme?
Pse shikohet si sulm kur akoma publiku nuk është informuar në lidhje me protokollin e takimit?

Kësisoj, para se të dilni me deklarata te pathelluara dhe të pastudiuara mirë, duke bërë kështu qokën e rradhës ndaj Sorecës dhe pushtetit korruptiv dhe kriminal që Soreca i ka dalë në krah, bëni mirë të hetoni.

Në fund të hetimit, të jeni të sigurtë se do zbuloni shkelje edhe më të rënda nga çfarë ne kemi denoncuar.