“Aleanca” Regjistrohet në KQZ koalicioni i dytë zgjedhor me 7 parti për 25 prillin

Dorëzohet në KQZ kërkesa e dytë e një koalicioni për zgjedhjet e 25 prillit që do të mbahen në vendin tonë.

7 parti kanë paraqitur kërkesën e tyre pranë KQZ për regjistrim nën emrin e subjektit zgjedhor “Aleanca”.

Në këtë koalicion zgjedhor respektivisht bëjnë pjesë këto parti:

Aleanca Demokratike Shqiptare

Aleanca për Demokraci dhe Solidaritet

Aleanca e Reformave Demokratike

Aleanca Barazi dhe Drejtësia Evropiane

Partia Lëvizja Punëtore Shqiptare

Aleanca Partia për Mbrojtjen e te Drejtave te Emigranteve

Partia me Aftësi të Kufizuara të Shqipërisë

Më herët në KQZ është regjistruar edhe koalicion zgjedhor “Ora Kombëtare – Emigracioni – Bashkimi Popullor dhe Konservatorët”.

Kjo ishte kërkesa e parë për regjistrimin si koalicion zgjedhor për të marrë pjesë në zgjedhjet e 25 prillit.

Sigla e koalicionit do të jetë “AOKBPEK” ndërsa partitë përbërëse të këtij koalicioni janë:

Partia Kombëtare Konservatore Albania

Partia Ora e Shqipërisë

Partia Emigracioni Shqiptar

Partia Bashkimi Popullor i Pensionistëve Shqiptar

Ndërkohë, gjatë ditës së sotme PD dhe aleatët e saj  kanë qenë duke zhvilluar bisedime lidhur me paraqitjen e koalicionet të tyre zgjedhor të quajtur “Aleanca për Ndryshim”, por që akoma nuk kanë dorëzuar kërkesë në KQZ.