Alqi Bllako dorëzon mandatin, Kuvendi anulon mbledhjen

Kuvendi i Shqipërisë ka anuluar mbledhjen e paralajmëruar për të shqyrtuar kërkesën e SPAK për arrestimin e deputetit të PS-së Alqi Bllako, pasi ky i fundit hoqi dorë vetë nga mandati i deputetit. Bllako depozitoi në Kuvend deklaratën për heqjen dore nga mandati i deputetit me vullnet të lirë dhe për rrjedhojë Kuvendi nuk mund të vazhdojë procedurat për shqyrtimin e kërkesës së Prokurorisë së Posaçme Kundër Korrupsionit dhe Krimit të Organizuar për dhënien e autorizimit për arrestimin e deputetit Alqi Bllako.

Njoftimi i plotë

Të nderuar kolegë, Në mbështetje të Urdhërit nr. 24, datë 30.03.2022, të Kryetares së Kuvendit, znj. Lindita Nikolla “Për anullimin e mbledhjes së Këshillit për Rregulloren, Mandatet dhe Imunitetin”, mbledhja e Këshillit nuk do të zhvillohet.

Deputeti Alqi Bllako ka depozituar në Kuvend deklaratën për heqjen dore nga madadti i deputetit me vullnet të lirë dhe për rrjedhojë Kuvendi nuk mund të vazhdojë procedurat për shqyrtimin e kërkesës së Prokurorisë së Posaçme Kundër Korrupsionit dhe Krimit të Organizuar për dhënien e autorizimit për arrestimin e deputetit Alqi Bllako.

Faleminderit!