Ambasada greke ofron teste për Covid-19 në fshatrat minoritare

Ambasada greke në Tiranë po u ofron minoritarëve që banojnë në Sarandë, Delvinë dhe Gjirokastër teste falas për Covid-19. Rreth 100 teste falas u kryen së fundmi në fshatin Mursi të Sarandës ku asnjë prej banorëve të testuar nuk rezultoi i prekur nga Covid-19.

Bashkitë Finiq dhe Dropull pritet të vijojnë të përfitojnë gjithashtu. Gazetari Avdiaj tha se nga program i mbështetur nga ambasada greke synohet të testohen kryesisht të moshuarit e vetmuar dhe testet kryen në banesat e tyre pasi ata e kanë të vështirë të lëvizin.

Në zona si në Finiq, procesi i testimit me mbështetje të ambasadës greke, po kryhet që prej muajit shkurt. Disa banorë të fshatrave të minoriteteve janë gjithashtu në listat e vaksinimit kundër Covid-19 në Greqi, por u duhet të paraqiten në qendrat e vaksinimit në shtetin fqinj për të marrë dozën.