Ambasadori i BE mbështet iniciativën për kthimin e Vjosës në Park Kombëtar

Ambasadori i Bashkimit Evropian në vendin tonë, Luigi Soreca thotë se mbështet iniciativën për krijimin e Parkut Kombëtar të Vjosës.

Në një postim në rrjetet sociale, Soreca thekson se BE po e ndjek nga afër këtë situatë së bashku me ambasadat e tjera dhe “është thelbësore që zëri i komuniteve lokale të dëgjohet”, thotë diplomati evropian.

“Ne mbështesim iniciativën për krijimin e Parkut Kombëtar Vjosa. BE vazhdon ta ndjekë këtë nga afër së bashku me Ambasadat e BE dhe në konsultim me autoritetet e Shqipërisë. Është thelbësore që zëri i komuniteteve lokale dhe ekspertëve të mjedisit të dëgjohet”.

Shumë shoqata në mbrojtje të mjedisit, shkencëtarë dhe aktorë me famë botërore po kërkojnë mbështetje për ta shpallur Vjosën Park kombëtar.