Amnistia Penale, Blendi Klosi: Urojmë të votohet të enjten, por s’është në dorën tonë

Amnistia Penale vijon që të jetë në Kuvend dhe të mos votohet, ndërkohë që burgjet janë plot. Blendi Klosi, Sekretar i Përgjithshëm i Partisë Socialiste, tha sot gjatë një interviste televizive se mazhoranca është e interesuar që ligji për amnistinë penale të kalojë që këtë të enjte, nëse janë votat në Kuvend.

“Aministia penale prej shumë kohësh po diskutohet në zyrat tona. U miratua nga Ministria e Drejtësisë. Duhen 84 vota. Kemi patur propozime nga opozita. Shpresojmë që një orë e më parë të votohet. Urojmë që nëse do ketë votat, të votohet të enjten.

Do ishte mirë që deputetët e opozitës të kuptojnë ky ligj nuk është për përfitime politike, por ndihmon qindra familje shqiptare. Ne jemi të interesuar që një orë e më parë të kalojë, shpresojmë për ditën e enjte, por nuk është në dorën tonë”, tha Klosi.