Analisti: Meta po e dëmton Partinë e Lirisë me qëndrimet ndaj SPAK-ut

Gazetari Roland Qafoku, thotë se kreu i Partisë së Lirisë, Ilir Meta me qëndrimet e ashpra ndaj SPAK gjatë ditëve të fundit po e dëmton Partinë e Lirinë, nuk po e fuqizon siç pretendon ai. Për të LSI dikur arriti të ishte faktor vendimtar duke e bërë politikën shqiptarë trepolare dhe duke shpërbërë politikën bipolare PD-PS.

”Shumë personazhe janë larguar gjatë kohës që Meta shkoi në presidencë është fakt. Nuk është se Meta po i kthen në PL, por po zëvendëson ata që gjeti aty me të tjerë. Për shembull, Shezai Rrokaj, një njeri që i bënte ndër LSI në atë kohë, a i është thënë ndonjëherë atij njeriu që ne këtu gabuam, ti kishte të drejtë, ai ishte njëri apolitik.

Unë besoj që kjo që po bën Meta nuk i jep kuota, por e dëmton partinë. Me ato që kemi informacion publik dhe deklaratat e Metës kuptojmë që kjo parti dëmtohet. Në kushte që politikën e kemi gjithnjë bipolare, LSI ishte amortizator i mirë. Ajo thënia e Berishë që politika ishte trepolare ishte e vërtetë dhe LSI arriti të shpërbënte politikën bipolare PS-PD. Kjo që po bën Meta tani e dëmton partinë dhe këtu përfiton Rama”, tha Qafoku në ”Euronews Albania”.