Ankesat e Ditmirit për marazet që shokëve u ndeza në gji!

Nga Agron Gjekmarkaj

Pikerisht kur isha bindur që do të kaloja një verë pa trazime si rrufe në qiell të kalter me mberriten qortimet e Ditmirit ish- ministrit të Jashtëm, paraardhesit të evlatit Gent Cakaj per shumëkënd që e ka harruar djalken veshtrim perhumbur nga Kosova të cilin na pat sjelle Batoni per të rregulluar Ballkanë e trazuar paq!

Merzitë e tij pak a shumë mbushnin këta shakuj!

l

Në kohen që Shqiperia ka nevojë për unitet, për një skuader grusht bashkuar rreth Babos, t’i hedh benzine në pasionet meskine të atyre që duan të bëjnë karrierë brënda nesh!!

Se sheh qametin që po vjen , mos u hiq si qyryk?!

Shokun Niko e ke lënë pa gjumë ndonese mes flakeve i percelloi qerpiket dhe kaloi veren duke luftuar si Shën Gjergji me Kuçedren! Ai i bën per idealizem keto punë se nuk e ka për gjë të thyej karrigen si Braçja kur pat ikur. Nuk e njeh ti Niko qerratanë në zemerim!

Shokun Çuçi e ke bërë më të menduar . Shoqen Elisë më të distancuar! Shoqen Elvi më të perhumbur! Të heshtur shoqen Ogerta. Vetem Bora argetohet, tani të di dhe emrin, thotë ja erdhi xhaxhi shakaxhiu!

Po kaq Taon si natyrë shumë emotive por edhe gjithë qeverinë se kujt do ti zërë vendin e sidomos grupin parlamentar kush do të jetë pasuesi. Per Taon zihen në parti si qytetet greke per Homerin.

Si gojëprishur që je Tezen e cila aq shume të ka dashur ty dhe mua e që vazhdimisht me merr në telefon edhe pse nuk jam më minister, po kaq. Ajo krejt boten e sheh me idealizem ndesa ti e ke trazuar, e thartuar si kumbull të papjekur duke yshtur Babon që ti bëjë kepucet! Kaq ta bësh dhëmbin ti se Babo e zë lepurin me qerre nuk pyet per peticione.

Ti cingun e zemerngushtë nuk i njohe kontributin Krifces për akademine e barinjve , berberhanen e deshve, dhe maternitetin e deleve pas nderzimit online dhe po kaq ndjell Klosin i cili perton ti zërë vendin duke injoruar luften e Braçes kunder saj. Pse ty Erjon virani të duket kaq idealist sa i bën ato interpelanca per hiç gjë? Hë hë hë është si kacamiser ay bren ngadalë dhe di ku del!

Po hallë Ikonomin atë xhanane zonjë , që kaq byrek e petulla ka bërë për kronikat e tua të çartura, që kerkon me deomos ta zevendesosh me Etilden në menyrë që ajo e gjorë të humbasë mburojen e Tonit dhe perballë asaj opozitë ogurzezë të pervelohet nga sulme e shikime noprane.

Apo nuk është ai Salianji mortja në bankë të parë që e ka llafin krupë!!

Nuk mund të jesh kaq i pashpirtë me Bleron e dashur, me lotin smeral tek denes mbyturazi per sukseset e mazhorances kur ajo permirsohet, dhe rritet ne besim duke lexuar e mbajtur shenime mbi fjalimet e Elises si linje mendimi e aksioni politik.

Gjeneralin e mirë Kollçaku i cili mund të kurorezohej president para Bake xhanit e bën të harxhojë per kostume të reja nderkohë duhet të shikosh veten se çfarë kostumi do veshesh se boll u more me qyfyre, je votuar për të bërë politike, të madhe madje!! Të gjitha do ti falja e hallall do ti bëja por jo zhgenjimin që i ke sjellë Mimi di Puccini!! Ti do që Pandi ti zërë vendin si kryetar i komisionit të jashtem qekur ajo të sfidoi me të shkuaren e saj kur lexonte Danten pas buke e perlotur për fatin e kont Ugolinit dhe violinen që i binte para si aperitiv , sepse ti kulturen e ke forme dhe ajo thelb, stil jete!!!

Po shokun Damo atë flori djalë që nuk prish qejf as me dushmanin pse nuk e le rehat të pushoje atje në Himarë do ta bësh hasem me se s’bën duke e projektuar në qeveri perseri e t’ja nxjerresh Doktorit në pritë si dash kurbani!! Apo ju të partisë suaj i keni qejf desherit që theren nëper porta si atëhere kur Babos i hoqet nga dora Bashkinë?!!!

ll

Ai me tha eja në kongres mbi zetor, s’ka rëndesi në është me jonxhe apo silazh, eja dhe fol. Ti do të me fusesh në ngasje po mirnjohja ime është e pakufi për Damon që u perpoq dhe Babon që pranoi.

Një gjë se kuptoj! Shokun Ulsi i vetmi nga veriu me portofol ti ma nxjerr si djaloshin Verter që nduk faqet e çirret se iku Bela në vend që në pah të nxirrje anen e tij epike, ta krahasoje me Hajredin Pashën në sherimin e plageve në reformen në drejtësi pas zbulimit të grupit armiqesor të Xhafes.

Çudi si kerkon që Ibrahimi të bëhet ferrë në këmbet e Babos dhe ai ta heqë, si qimen nga mjekrra, kur ne fakt me kukurimat e saj ajo është hudhra e ekzekutivit, nuri i tij dhe jo Bela qe një ditë Bogdanin thirre në ndihme per ta perkufizuar!!!

Duhet ta dish anësia jote ndaj Beles ka rënë në sy dhe po hap debat si tek dy partitë e tua ashtu edhe tek e jona sepse ti si pedagog duhej ti gjindeshe Evisit dhe Elvit megjithese lavdia e tyre ska nevojë për asgjë e jotja po për të tyren!!

Një qortim të rreptë mund ta hash dhe nga Grida per devijim estetik sapo të vesh këmbë në parlament e ndoshta edhe nga Luli per ulje të shpirtit opozitar. Jorida do mjaftohet veç në indiferencë të pervuajtur si nata që ta kuptosh vetë se ç’ke bërë!

Ndersa po të zuri Albana pisk e ke se do hash ndonjë dackë, ka dorë të rëndë e uruara!

lll

Me romuzet e tua të pacipa u ke prerë hovin të gjithë atyre që duan të shprehin ndjenjat e tyre me poezi për Babon duke i bërë atentat kultures së eperme. Së fundi pergojove një nga perlat e poezisë shqipe me aq pasion e dliresi të shkruar nga Bora të titulluar “Babo dhe shiu”! Bilali kishte gati antologjinë ” Babo dhe vjeshta” tani zor se e boton. Po kaq i pasigurtë është fati i epit të ri “Skenderbeu i pafan” që Elisa nder vite latoi!!

Mjaft nga shoket pas kesaj janë kompleksuar dhe unë vetë ndjeva dridhje dore në rreshtin e dyte dhe e lashë sapo doja të bëja një me rimë!

Po nuk perjashtoj mundesinë që edhe shoku Fatmir të pesojë stepje se ai si nga Vlora i bën me rime dhe me eeeee në mes që të jenë hazer edhe si tekste kengesh labe.

Ish- kryeministri Majko që i ka qejf partizanet dhe model sjelljeje gjatë ketij shtatori betejat e Babos mund ti krahasonte me kalimin e Shkumbinit në shtypje të reaksionit që po zien si kaçamak.

Me hipotezat e tua plot helm ke ndikuar edhe tigrushin që të jetë vetvetja në kujtime dhe i ndrydhur në lirizem. Ai si Çald Haroldi pranë Ali Pashait mund të rrefente embelsinë e viteve pranë Babos dhe marzin e ndarjes me të.

Ti që me hiqesh si mik në vend që ti bësh letra të mbylluar e të hapura Babos që ai të japë një shënjë faljeje e në shtator të hapë zemren i kujton atë ditë të zezë kur nuk hypa në makinen e tij.

Ju të gjithë mendoni se refuzova për kryengritje kur ajo ishte perultesi, nuk ndihesha i dënjë të ulesha pranë tij me dertet me të cilat ja mbusha hejbet teksa ai në mendje kishte Shqiperinë e së ardhmes.

Rrugeve të botes teksa me traste në krah shkoj sa në një vend tek një tjeter rri dhe mejtoj per shoket, per idealet e tyre, perpjekjet dhe betejat që ata bëjnë! E sidomos në keto ditë gushti në kanë gjetur ndonjë plazh të pazënë ku të vendosin çarçafet me kater hunj që ti ikin diellit e djegies dhe a kanë menjanë ndonjë kacille për bukë, djathë e bostan!? A mos Alket Hyseni ju gjindet pranë me ndonjë broke ujë kroi? A mos Shalsi si sportiv peshkon me rrjeta dhe pjekin qefull nën pisha? E do merakosesha edhe për të tjeret po kush i njeh tanimë të gjithë?!

Desh harrova zonjen Lindite që mu thaftë goja psheretiu! Kushedi ku është mbyllur e thote , kaloi dhe kjo vetë, prite Zot rrezikun e ruana nga njerzit e keqij!

Vemendja, malli, mbeshtetja dhe krenaria ime është e gjitha per ta! Unë shoket dhe Babo jemi një! Nuk na perçau Doktori, Luli, Iliri me revolucionet që bënë e as me ato që po farketojnë e jo do ja dalesh ti me ca palo intriga publicistike!!! Rroftë Babo , Rrofshin shoket dhe të gjithë poetet e politikes që po shtohen dita dites! Keshtu si ja ke nisur do vesh në diskutim edhe vetë Babon që mos bëfsh hajer!