Apeli rrëzon planin e Braverman për të dërguar azilkërkuesit në Ruandë

Media britanike The Guardian raporton se tre gjyqtarë të lartë kanë vendosur se është e paligjshme që qeveria e Mbretërisë së Bashkuar të dërgojë azilkërkues në Ruandë.

Vendimi i gjykatës së apelit nga Lord Burnett, Sir Geoffrey Vos dhe Lord Justice Underhill pason një seancë dëgjimore katër-ditore kundër një vendimi të gjykatës së lartë dhjetorin e kaluar që zbuloi se ishte e ligjshme dërgimi i disa azilkërkuesve, duke përfshirë mbërritjet me varka të vogla, në Ruandë për të përpunuar kërkesat e tyre në vend që të merren me aplikimet e tyre për strehim në Britaninë e Madhe.

Projektligji për emigracionin e paligjshëm, që po kalon tani në parlament, thotë se të gjithë azilkërkuesit që mbërrijnë me “mjete të parregullta” mund të përballen me largimin me forcë në Ruandë. Ata që mbështetën apelin kundër vendimit përfshijnë agjencinë e refugjatëve të OKB-së (UNHCR), avokatë, bamirësi dhe një grup azilkërkuesish.

Gjykata dëgjoi nga UNHCR se Ruanda kishte një histori të abuzimeve të të drejtave të njeriut ndaj refugjatëve brenda kufijve të saj, duke përfshirë kthimin – largimin e detyruar në vendet ku ata janë në rrezik – dëbimet dhe ndalimin arbitrar.

Bien ndjeshëm aplikimet për azil nga shqiptarët në BE në 4 muajt e parë të 2023
Agjencia e refugjatëve paralajmëroi se Home Office nuk do të jetë në gjendje të garantojë sigurinë e azilkërkuesve që u deportuan në vendin e Afrikës Lindore.

Sir James Eadie KC, këshilltar i Sekretares së Brendshme, Suella Braverman, tha se ishte e bindur se qeveria e Ruandës do t’u përmbahej angazhimeve të dhëna në një memorandum mirëkuptimi të nënshkruar nga të dy vendet.