Aplikacioni ”Aktiv1sti” i PS-së, Berisha: Drejtësia në shërbim të Ramës! I bëj thirrje Zuckerberg ta bllokojë

Gjatë një takimi me demokratët e degëve 8 dhe 10 në selinë blu, Sali Berisha ka folur mbi aplikacionin e PS-së që u prezantua sot, ”Aktiv1sti”.

Berisha tha se me këtë aplikacion, Rama terrorizon punonjësit e administratës, ndërsa shtoi se lista e publikuar tregoi që prokurorët e gjyqtarët janë në shërbim të Ramës. Berisha i bëri thirrje themeluesit të Facebook dhe Mark Zuckerberg dhe pronarit të tëitter që të bllokojnë aplikacionin.

“Aplikacioni i terrorizmit digjital. Që të mbash një aplikacion të tillë në media sociale është akt i terrorizmit digjital. I bëj thirrje Musk dhe Zuckerberg të bllokojë këtë aplikacion, të shkëpusë çdo lloj lidhje. Aplikacion që terrorizon një ushtri i të tërë punonjës. Me dhjetëra gjykatës e prokurorë të partisë, s’kanë punë me drejtësinë por partinë”, tha Berisha.