Arben Ahmetaj: Viti 2018, mbyllet pozitivisht për punësimin!

Ish-ministri i Financave, tashmë kryetar i Komisionit të Ekonomisë, Arben Ahmetaj, ka reaguar pas raportit të INSTAt për punësimin.

“Anketa tremujore e forcave të punës, publikuar sot nga INSTAT, tregoi sërish efektivitetin e politikave të ndërmarra gjatë vitit që shkoi, në favor të zhvillimit ekonomik dhe nxitjes së punësimit.

Në tremujorin e katërt 2018, papunësia vazhdoi rënien duke kapur nivelin 12.3%, ndërsa punësimi u rrit më tej me 1.4% më shumë se e njëjta periudhë e një viti më parë, duke konsoliduar shkallën e punësimit në 60%, nga më të lartat në rajon sikurse ka vlerësuar në vazhdimësi edhe Banka Botërore”, thotë Ahmetaj në një reagim në rrjetet sociale.