Arben Bajo humbi betejën me Covid-19, Margariti: Ditë e trishtë, kemi një artist më pak

Për ndarjen nga jeta e skulptorit Arben Bajo, i cili nuk e fitoi betejën me Covid-19, mesazh ngushëllimi ka dhënë edhe Ministrja e Kulturës, Elva Margariti, e cila thotë se sot është një ditë e trishtë. Ministrja thekson se kemi humbur një mjeshtër të madh. ”Me shumë gjasë në studio të ka mbetur një punë e papërfunduar. Ishe në kulmin e krijimtarisë tënde dhe është e pabesueshme, që nuk do të kthehesh më aty. Një ditë kaq e trishtë sot! Kemi një artist më pak. Arben Bajo, ky mjeshtër i skulpturës, i mprehtë, zbërthyes karakteresh u nda prej nesh. A mundet të të themi lamtumirë kaq herët!? U prehsh në paqe! Kujtimi dhe vepra jote do të jetë gjithnjë mes nesh”.