Ardi Veliu paralajmëron: Shumëfishim gjobash për drejtuesit e automjeteve

Drejtori i Policisë së Shtetit, Ardi Veliu, paralajmëroi se me ndryshimet në kodin rrugor, do të ketë shumëfishim gjobash për drejtuesit e automjeteve.

Gjobat do të aplikohen në rastet e përdorimit të celularit gjatë drejtimit të mjetit, parakalim i gabuar, mosdhënie e përparësisë, këshillimi-lënia e gjurmëve në historikun e shkeljeve të drejtuesit të mjetit.

Po ashtu kërkohet të futet gjoba këshilluese. Mendohet që këshillimi i parë të regjistrohet në databazë.

Veliu përmendi rrethrrotullimin e TEG-ut ku vetëm në 3 muaj kemi pasur 7 aksidente me pasoja fatale.

Si dhe rrethrrotullimi i Kolonjës ku në 2 muaj kemi pasur 5 aksidente me pasoja fatale.

Ai shtoi se numri më i madh i aksidenteve janë të hënën 283, të premten 230 dhe 214 të dielën.