Arlind Qori: Një hajdut me çizme dhe një coftinë politike

Nga Arlind Qori-

Në Zvërnec nuk kishte kamera të asnjë televizioni. Qindra protestues, qytetarë të rrëmbyer dhe goditur nga paramilitarë fashistë me të zeza, oligarkë vendas e të huaj që po shpronësojnë fshatarët dhe prapëseprapë heshtje. Televizionet kishin zgjedhur të pasqyronin fjalimin e një hajduti me çizme si Rama dhe kongresin e një coftine politike si Berisha.

Madje Top Chanel-i kishte bërë një kronikë ku pasi përmendej shkarazi protesta, 90% të kohës lexohej deklarata propagandistike e kompanisë ndërtuese, pa pyetur asnjë nga banorët për të vërtetën.

Disa ma kanë marrë për keq që ngaherë ankohem dhe denoncoj mediat e oligarkëve. Nuk e kam për vete se, dora në zemër, nuk më bëhet vonë hiç edhe sikur të më bojkotojnë totalisht. Ama besoj fort se e vërteta duhet thënë e plotë dhe pa doreza. Dhe televizionet e oligarkëve mund të jenë gjithçka, por jo përcjellëse të së vërtetës. Pikërisht të vërtetës që do të na bëjë të lirë të gjithëve.