Arrestimi i Gëzim Çelës, ministri Balla jep detaje: U bë me një agjenci të rëndësishme

Aktualitet E Premte, 8 Dhjetor 2023 19:40

Ministri i Brendshëm, Taulant Balla ka reaguar në lidhje me arrestimin e Gëzim Çelës këtë të premte në Kosovë. Balla nënvizon se arrestimi i tij u bë në bashkëpunim me një agjenci të rëndësishme partnere dhe me strukturat ligjzbatuese të Republikës së Kosovës.

”Forca e ligjit do të godasë mbi këdo dhe pandërshkueshmëria do të marrë fund ndaj kujtdo që kujton se do të vazhdojë t’i fshihet drejtësisë.

Përgëzoj Policinë e Shtetit, e cila në bashkëpunim me një agjenci të rëndësishme partnere dhe me strukturat ligjzbatuese të Republikës së Kosovës kanë bërë të mundur arrestimin e shtetasit Gëzim Çela, një person i dënuar dhe i kërkuar prej shumë kohësh nga drejtësia në Shqipëri”.