Arrestohet efektivi i Policisë Rrugore, akuzohet për korrupsion

Aktualitet E Mërkurë, 14 Prill 2021 06:21

Arrestohet nga SHÇBA Punonjësi i Policisë Rrugore, Edmond Jupe. Sipas burimeve të Policisë, mësohet se efektivi Jupe akuzohet për kryerje të veprës penale: “Ushtrim i ndikimit të paligjshëm ndaj personave që ushtrojnë funksione publike” dhe të “Korupsionit pasiv nga persona që ushtrojnë funksione publike”.

Ai aktualisht kryente detyren e trupës së Shërbimit në Seksionin e Menaxhimit të Trafikut Urban dhe Eskortimit në Komisariatin e Rajonal të Policisë Rrugore Tiranë. Struktuat e Drejtorisë së Shërbimit për Çështjet e Brendshme dhe Ankesat Tiranë ekzekutuan vendimin e Gjykatës së Rethit Gjyqësor Tiranë për caktimin e masës së Sigurimit Personal “Arrest me Burg” ndaj punonjësit të policisë.

Arrestimi është kryer pas një hetimi të përbashkët 6 mujor të SHÇBAsë Tiranë në bashkëpunim me Task –Forcën e Prokurorisë së Rethit Gjyqësor Tiranë. Materialet do t`i referohen Prokurorisë së Rrethit Gjyqësor Tiranë.