Arrestohet polici i dehur që kishte braktisur shërbimin

Një efektiv i Patrullës së Përgjithshme në Komisariatin nr. 6 të policisë është arrestuar për shkak se në gjendje të dehur kishte braktisur shërbimin. Inspektor Enri Veseli u arrestua në flagrancë nga Shërbimi për Çështjet e Brendshme dhe Ankesat. “Arrestimi i Veselit u krye pasi drejtoi mjetin me targë AA 552 EL në gjendje të dehur. Ai u ndalua nga patrullat e policisë “Shqiponja” në afërsi të sheshit “Karl Topia”, Tiranë. Nga veprimet hetimore rezultoi se në momentin e konstatimit, punonjësi i policisë kishte braktisur detyrën ku ishte planizuar me shërbim, thuhet në njoftimin e Ministrisë së Brendshme. Ai do të akuzohet për “Drejtim automjetit në mënyrë të parregullt” dhe “Shpërdorim të detyrës”.