Arrestohet “sekseri” i petagogëve, merrte deri 150 mijë lekë për një notë kaluese

Policia e Elbasanit arrestoi një 34-vjeçar pasi për një periudhë 6 mujore u ka marrë nga 13.000-15.000 lekë të reja studentëve të Universitetit “Aleksandër Xhuvani” për të siguruar një notë kaluese ose notë më të mirë.

Oltion Toci banues në Elbasan shërbente në rolin e sekserit mes studentëve dhe stafit akademik të këtij universiteti gjatë zhvillimit të provimeve të studentëve.

Arrestimi i tij u bë në kuadër të operacionit të koduar “I pandreqshmi” pasi gjykata e Elbasanit kishte caktuar në mungesë masën e sigurisë të “arrestit me burg”

Policia shpalli në kërkim edhe një bashkëpunëtor të Tocit, 35-vjecarin nga Elbasani me inicialet B. K, ndërsa ka dyshime që kjo skemë korruptive është kryer në bashkëpunim edhe me persona të tjerë për të cilët po punohet mbi identifikimin.