Arsenal me granata e plumba, xhenierët shkojnë nga Tirana për shpërthim të kontrolluar

Disa municione, granata dhe plumba janë gjetur në njësinë administrative Gur i Zi në Shkodër. Municionet ishin prej vitesh aty dhe janë gjetur rastësisht. Tashmë pritet që të vijnë forcat xheniere nga Ministria e Mbrojtjes për t’i ekzaminuar dhe për t’i çmontuar.

Fillimisht do të vendoset një perimetër sigurie, pasi nga shpërthimit ka rrezik dëmtimi për banorët e zonave aty pranë. Ekspertët sqarojnë se do të jetë një shpërthim i kontrolluar, por dyshimet janë që në këtë hapësirë të ketë sërish municione të këtij lloji.