Asambleja e pedagogëve, Marku: T’i tregojmë qeverisë se s’jemi trupë e vdekur

Senatet Akademike janë mbledhur këtë mëngjes për të diskutuar lidhur me protestën e studentëve dhe vijimin e saj. Pedagogu dhe drejtuesi i Departamentit të Gazetarisë në Universitetin e Histori-Filologjisë, Mark Marku është shprehur se qeveria ka ndërhyrë në autonominë akademike. “Ne me VKM-të jemi shndërruar në një universitet pa kurrfarë autonomie. A do ta pranojmë ne këtë? A jemi ne një trupë e vdekur siç shpreson qeveria? Është koha dhe kemi të gjitha mundësitë për të reaguar”, është shprehur Marku.